بينا نبتدى المشوار

الحلم الأول (( كان نفسى أكتب مذكراتى !! ))

بحلم وحلمى عنيد مش كتر مال ولا سيط بحلم اكون نفسى !!!!

حلمى الاول مع بداية فتره المراهقه انى اكتب مذكراتى وايه يعنى هوا فيه مشكله فى كتابة المذكرات ولا ايه ؟؟ أكيد دا السؤال اللى هيبقى فى بال كل واحد منكم اول ما يقرا العنوان وفيه ناس هتقول اكيد مكنش عندها ورق وناس تانيه هتقول يمكن معندهاش أقلام وتالتين هيقولوا دى أصلا يمكن مش بتعرف تقرأ وتكتب صدقونى مش كل دى الأسباب اللى منعتنى من انى أحقق حلمى فى أنى أكتب مذكراتى .انا سألت نفسى يا ترى لو كتبتى المذكرات دى كل يوم واللى بيحصل فيه, كل حاجه مهما كانت ياترى ممكن حد يشوفها ؟؟!! اااااااااه طيب لو حد شافها ماما ولا بابا ولا أى حد تانى من المتطفلين وأصحاب الأيد الطويله هتبقى ايه العواقب ؟؟؟!!وصلت لنتيجه خلاص انا هكتب اللى لو اى حد شافه مش يزعله!!!!!!! وضحكت ضحكه كبيره ههههههههههههههههههههههههههههههههههههههههه على نفسى أمال ازاى هتطلعى اللى جواكى فى مذكراتك ازاى هتقولى انك مضايقه النهارده من بابا علشان هزئنى قدام حد ولا هتقولى انك مضايقه من ماما علشان مش بتقدر تفهمك ولا من صحبتك فلانه اصلها مغروره اوى ولا التانيه اصلها قابلتنى مكشره تراجعت عن كتابة مذكراتى وقررت انها تبقى جوه خيالى وبس لكن انتوا مش معايا ان كل واحد مننا بيبقى محتاج مساحه من الحريه يتكلم فيها مع نفسه على الأقل مدام مالوش انيس ولا ونيس فى وحدته !!!! أكيد دا كان حلم غالى اوى ندمت جدا انى مقدرتش احققه وخفت على مشاعر اللى حواليا ونسيت ان من حقى انى اتكلم مع نفسى وافضفضلها علشان اقدر اوصل معاها لحل لأى أزمه ممكن اكون اتعرضتلها عارفين ليه لأنك لما تحس انك مش متراقب وفى ايدك ورقه وقلم هتقدر ساعتها تكتب كل اللى انت حاسس بيه من غير ما تزوق الكلام وهترتاح اوىىىى لكن ضاع من عمرى 20 سنه من بداية مراهقتى ومحققتش حلمى تفتكروا فيه لسه أمل انى اكتب مذكراتى وياترى لو كتبتها هكتب الجديد بس ولا هحاسب نفسى على القديم كمان ولا هقطع الصفحه اللى فيها غلطاتى واسيب الصفحه اللى فيها انجازاتى !!!!!!! بكتبلكم دا علشان محدش يتنازل عن حقه فى كتابة مذكراته بشرط ان ميكنش فيه عيون بتراقبه وعقول زى الحجر تحرمه من انه يلاقى نفسه مش قادره اقول ان الحلم ضاع ولا حتى انتهى لكن ياترى هتيجى احلام تانيه هتبقى اهم من حلمى الأول فى كتابة مذكراتى ولا ايه ؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!