حلم أتحقق ولكن!!!!!!!!!!!!!!!!!!!!!!!!!!!!

(( الحلم التاسع : حلمت انى اخرج برة الدايرة وأروح بلد تانيه!!!))

النهارده وانا بينكم هنا عايزه احكيلكم على اللى حصلنا فى بلد تانيه بعيده عننا !!

اتخنقت من الروتين كل يوم اروح الشغل وآخر الشهر أقبض ملاليم !

قررت انى اتمرد وعن عباية الميرى اتحرك وقولت لازم اخرج بره الدايرة وأحقق أحلامى فى حته تانيه !!

خيالى رسملى صورة ورديه لبلد اوروبيه فيها الملكه اللى ورا التاج مستخبيه !!

فيها الامير اللى قتل مراته علشان واحده تانيه !!!!

وسافرت ليها وكلى أمل فيها انى انسى الميرى بترابه وأيام الشقا وعذابه !!!

هحكيلكم عليها علشان تشوفوا المصريين عملوا ايه فيها !!

بلد جميله من النظافه فى كل حاجه فيها !!

ناس الصبح بتشتغل وبليل تسهر وتتهبل !!!

ناس مش بتخاف ربنا زيينا بس بتعمل اللى مطلوب مننا !!!!

نزلت فيها ادور على ولاد بلدى لاقيتهم قلعوا العبايه اللى بتداريهم وبقوا انجليز بكل ما فيهم !!!

عملوا فلوس صحيح بس باعوا نفسهم رخيص !!

اللى اتجوز انجليزيه علشان الاقامه فى البلد دية !!!

واللى اشتغل مرمطون علشان يرجع بكام مليون !!!

وفى وسط جمال البلاد دية لاقيت حاجه ضايعة او مستخبيه عارفين ايه هياااااااااااااااا!!!!!!!!

المشاعر الجميله اللى فى ولاد بلادنا كتيره !!

وفى بلاد الفرنجه ولاد بلادنا حاجه مش عدله !!!!!!!!

نسيوا أهلهم وكمان طبعهم ونسيوا دينهم وأرضهم وبقوا زيهم باردين فى المشاعر وقلوبهم فى التلاجات اتباعت!!!!!!!!

ولاقيت فى ان بلدنا دية فيها حاجات جميله مداريه !!

ومهما لاقينا هنلاقى فلوس كتيرة لكن مش هنلاقى مشاعر دافيه ومتينه !!!!

كل اللى هنلاقيه حسرة وندم وغربه وألم ومهما عملنا فيها الفلوس مش هتلزمنا بعد ما ضاعت النفوس !!!!!

ولميت نفسى ورجعت !!!!

بعد ما اتعلمت وعرفت !!!!

وبعد ما شوفت وفهمت !!!!!!

ان الغربه مش فى اللى حوالينا ولا فى بلاد تانيه لا دى فينا !!!!!

احنا اللى بنتغير ساعه مانقرر اننا نرمى نفسنا فى حضن غربة جوانا تنسينا احنا مين والمفروض على بعض نبقى خايفين !!!!!!

لكن للأسف لاقيت المصريين قلبوهم بتموت فى غمضة عين !!!!!!

ولما الطياره قربت وأرض مصر نورت عرفت اننا عندنا اهم حاجه فى الدنيا واللى مش عند ناس تانيه !!!!!!!!

عندنا قلوب بتحب بعضها ولافلوس الدنيا تهد حبهااا !!!!!!

ودا كان حلم واتحقق لكن تفتكروا لما اتحقق لاقيت سعاده كانت تايهه منى فى بلد تانيه كانت غايبه عنى !!!!!!

كنت بشوفها واشتاقلها بس صدقونى لما بقيت فى أرضها عرفت انها ماتستاهلش انى حتى أحلم أحبها !!!!!!!!!!!!

تفتكروا الحلم دا فادنى وعن اللى شوفتوا قالى ان الدنيا مش فلوس لكن للأسف دى نفوووووووووووووس!!!!!!!!!!!!!!!!

وانتهت رحلتى فى بلاد الانجليز وانا عارفه انى بجد مش هقدر أعيش فى برودة المشاعراللى زيها مفيش !!!!!!!!!!!!!!!!!!!!!!!