(( الحلم الثامن : كان نفسى الاقى فاااااااااااارس!!!! ))
ايام ما كنت صغيره كنت فاكره الحب دا اجمل حاجه فى الدنيا وكنت بدور عليه بقلبى وعنايا وفى كل اللى حواليا كنت اغمض عنايا واشوف فارس جميل قلبه مليان حب وحنيه بيسأل ويدور عليا !
كنت بشوفه من غير ملامح واحلم بيه بفكر سارح صحيح معرفش اسمه اوحتى شكله ولا رسمه بس كنت دايما حاسه بيه وعارفه انى فى يوم هلاقيه !
وخرجت للدنيا وانا فاكره ان الناس كلها بتدور زيى كنت فاكره ان الحب دا مشاعر جميله بتملى قلوب بشر كتيره واتعاملت مع الناس وانا على يقين انى هلاقيه وانه بيدورعليا زى ما انا بدور عليه وكانت المفاجأه!!!!!!!!!!!!!
دى دنيا غريبه اوى وزمن عجيب بجد الحب فيه فيلم ولا تمثيليه ولا يمكن أغنيه لكن فين المشاعر المستخبيه اللى بدور عليها بفلبى وعنايا ؟؟؟؟
قابلت ناس كتير على لسانهم اشعار وزيف للمشاعر وأفكار وأحلام يعيشوا فيها ويقع عليهم الاختيار ولما حسيت بالانهيار وقفت واقفه مع نفسى وقلت لازم آخد قرار انزويت فى ركن هادى اشوف صحباتى وأتأمل حكاياتهم واشاركهم مصيبتهم لان الحكايه مش مجرد اسرار وهدايا ومقابله وفراق وخلاص دى حكايات وألم كمان وانهيار!!
قررت انى ابعد عن دنيا المشاعر المزيفه واترك الاختيار واسيب قلبى يدور براحه من غير انكسار!
حلمى مش كتير عليا انى الاقى فارس وقلبى يدق له ويكون حته من قلبى اللى هيعشقه !
حلمى انى الاقى الحب الجميل جاى من زمن بعيد مش شرط يبقى راكب حصان ولا حتى عاشق مغوار !
انا بس حلمى بفارس يحب قلبى العاشق ومن غير اختيار !
عنينا تتكلم وقلوبنا يجمعها بحر اسرار !
ومن غير حروف نتعلم ان للحب زمن باقى مهما طالت الليالى ومهما صعب الاختيار!
فيه ناس كتير من الحب دابوا وناس اكتر داقوا عذابه ورغم دا خانهم القرار !
فيه قلوب أتألمت وقلوب تانيه اتندمت من كتر الانكسار !
بس الدنيا علمتنى ان كل ليل بعده نهار !
هوا دا حلمى اللى على قدى ان الاقى فاااااارس محتار بيدور على قلبى زى ما انا قلبه هختار !!!
تفتكروا ممكن الدنيا تآخد ايدايا للفاااااااااااااااااارس اللى قلبى هيختار !!!!!!!!!!
Falling hearts Here
هناك ١٦ تعليقًا:
ياليت هناك مواصفات محددة للفارس يتفق فيها كل الناس
كان الكل حلم حلم واحد فقط
احلمى وتمنى
رزقك الله بما يقر به عينك
تحياتى
بشكرك جدا انك متابع المدونه ولما بكتب حلمى بيبقى نفسى كل واحد مننا يفكر ياترى لو الحلم دا جواه هيعمل ايه يحققه ودا فى اى حلم من الاحلام المكتوبه واللى لسه جايه ان شاء الله
اكيد قلبك هيدلك على فارس احلامك وهتكونى ساعتها اميرة احلامه اللى بيحلم بيها طول عمره
ربنا يسعدك
مو\دونة جميلة
وشكراً جداً لزيارتك يا ست الكل
ايمن فاروق
اه انا ضيفتك عندى على الهوت ميل ده بعد اذنك طبعاً
سعيده بزيارتك استاذ ايمن واتمنى انى اكون عند حسن ظنكم واحلم ألام تعجبكم
ربنا يكرمك وتحققي حلمك
اللي هو نفسه حلمي وحلم كتير من جيلنا
وما تقلقيش أو تفتكري إن الزمن ده مش زمن الحب
تحياتي
عايزة تلاقى فارس
بس للاسف انتهى زمن الفوارس منذ زمن لقد ولدتى ياصديقتى فى الزمان الخاطئ
فلا تبحثى كى لا تتعبى ولكن ليبقى عندك امل ان تقابلى شخصا ينتمى الى زمن الفرسان ولكنة يعيش بيننا الان
متهيالى حلمك بسيط جدا وان شاء الله هيتحقق وربنا يوفقك
بصى الأول بالنسبة للأسلوب جميل جداً
بالنسبة للموضوع نفسه عندك حق
انا نفسى مريت بيه بس للأسف كنت بتكعبل ف حاجات مش ظريفة
عارفه احسن حاجة ايه انك تسيبى نفسك
وصدقينى هتلاقيه بيدور عليكى وجايلك لحد عندك بجد من غير لا وجع ولا ألم
ربنا معاكى ويرزقك بالزواج الصالح يارب انتى وكل البناويت الحلوين وانا معاكوا بقى :)
heba
ميرسى اوى انك متابعه المدونه وانك متابعه احلامى اللى هيا أحلام كل واحد فى الدنيا بس كلنا بنختلف فى ازاى بنحققها وازاى بنحس بيها ميرسى ليكى ويارب احلم احلامكم كلكم
______________
حدوته مصريه
أهلا بك فى مدونتى المتواضعد بجد نورتنى ويمكن تكون عندك حق فى انى بدور على فارس فى زمن مش زمن الفرارس بس صدقنى مجرد الحلم بيديلى احساس السعاده اللى بدور عليه شكرا على اهتمامك واتمنى تكرر الزيارة
______________
جسر الى الحياة
نورت المدونه ويارب يارب احلامى تعبر عنكم كلكم بنات وشباب ونحاول نفكر ازاى نحققها سوا
_______________
حمامه
ميرسى على زيارتك وعايزه اقولك ان اللى اتكعبلتى فيه مهما كان مش ظريف أكيد كان مفيد واتعلمتى منه وانا مش مستعجله انا مستعده افضل عمرى كله استنى حلمى دا انه يتحقق وكفايه احساسى ان حد بيشاركنى فى أحلامى زيكم
تلاقي فارس احلامك هو المستني يلاقيكي
مش بس انتي الي بدوري عليه
وهو بدور عليكي
وان شاء الله راح تحسي انك وردة يبحث عنها الكثيرون
اسلوب حلو كتير
هي اول زياره يا رب ما تكون الاخيره
دمت رقيقه
روري
i love what u wrote, i read some of your dreams and hopes, if you would allow me to say i share it with you.
i are so light in your words, i felt like i was bouncing on a cloud not reading ,
ياريت تحلمى بس متستعجليش يا قيثاره وحاولى تحكمى مخك قبل قلبك
مش عايز اخدعك
واقولك ان فى فارس هيجيلك يخطفك
ومش هقولك بطلى تحلمى
لانى انا نفسى بحلم بأميرة اخطفها
لكن زمن الاميرات والفرسان ولى وراح
مش موجود غير فى القصص وبس
دورى على فى عنتر
دورى علية فى قصة اسطورية
لكن بعد ما تخلصى حلم
المسى برجلك الارض
وشوفى دا ممكن يتحقق ولا لا
معلش مكنش قصدى احرق الحلم
حلم كل بنت من يوم ما تتولد وهى بتحلم بفارس احلامها
تحلم بأنسان متفاهم وبحب ياخدها لفوق لبعيد ويعيشها احلى حياة
المهم متحلمش احلام يقظه وتعيش تدور على تحقيقها بحازفيرها لانها عمرها ما هتلاقيها كامله
حلم بسيط .. وستجديه صدقينى .. ليست الحياه سوداء فقط .. بل بها كل الألوان .. فقط خلى يقينك قوى .. انك تستحقى هذا الحلم .. وستمتلكيه فى يوما فى الايام أن شاء رب العالمين .. فقط .. لا تفقدى حبك للحياه .
إرسال تعليق