كان نفسى ابقى صحفية!!!!!!!!!

((الحلم السابع : كان نفسى اقول لااااااااااااااااااااااا))

كان حلم احلام حياتى انى اقول لكل حاجه غلط لاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

كان نفسى ابقى صحفيه واتكلم فى مليون قضيه واكشف حاجات مستخبيه وجت الثانوية العاميه اقصد العامه وكانت احلامى كلها جميله وفى وسط الدنيا دى احلام كبيره انى اكون كاتبه مشهوره او صحفيه فى مجله شهيره اتمنيت انى اقول لا على حاجات كتير على مجتمع بيظلم وعلى موظفين بتاخد رشوه وعلى ناس مش بتراعى ربنا وعلى ضماير ماتت وقلوب تاهت كان نفسى اصرخ بعلو صوتى لاااااااااااا لسكوتى مدام ليا كيان فى دنيتى لازم أصلح غلط حواليا وبأيدى ارفع الظلم عن ناس فقيرة مستخبيه !!

وجت لحظة الاختيار ادبى ولا علمى يا ناس يا كبار وكانت الكارثه المستخبيه دخلت علمى ودى مش دنيتى الجاية ولاقيت احلامى بتتهاااوى وحلمى انى اكون صحفيه بيروح لخبر كاااااااااااااااان قدام عناياااا!!!!!!

وشوفت بعنايا موظفين بتاخد رشوه علشان يمضوا على ورق ولا ناس تانيه بتدى الأولويه لأولاد الناس ذات االأهميه وولاد الغلابه أوراقهم فى الزبالة مرميه !!!!!!!!!‍‍

وفهمت بعد ما اتخرجت معنى الكوسه والمهلبيه( اقصد الواسطه) لو ليك ناس كبار يبقى عندك اختيار تشتغل بكام فى الماهيه!!

شوفت بعنايا موظفين بياخدوا فلوس علشان يعينوا ابن فلان ويبعدوا الغلبان وقال ايه انا واقفه فى طابور الوزارة مستنيه !!!

وبقيت موظفه وفى عز الميرى متمرمغه وضاعت احلامى الصبيه انى ابقى صحفيه واقول لااا على كل الغلط اللى حواليا وكتمت صوتى وهربت لسكوتى .

وفى الوزارة المتربيه لاقيت مديرة بتطلب رشوه موبايل بكاميرا علشان الايام العارضه ما تخلصش ولا تاخد هدايا علشان ما تتكلمش ومدير تانى بيضرب بالشبب اللى له ما يقفش وناس تانيه لفلوس الأهالى مش سايبه وفواتير بتزورها وفلوس فى جيبها بتاخدها !!!!

ولا الكبار اللى فى الأسرار بتاخد ملايين وقال ايه أحرار بيخدموا البلد ويسرقوا مليارااااااااات وقدام عنينا بيقيدونا ويهددونا لو اتكلمتوا من مرمغة الميرى هتتسلبوا!!!!!!!!!!!!!!

ودا حال سكوتى شايفه الغلط بعنايا وللأسف مداريه ولا اقدر اتكلم او حتى افتح قضية لانى مش قادره احقق حلمى انى اكون صحفيه وكل دا ليه غلطة اختيار ضيعت حياتى لانى مقدرتش آخد قراراتى واحدد اختياراتى من غير ما حد يدخل فى حياتى ولسه أحلامى بتتهاااااااااااااااوىىىىىىىىى قدام عنايا

تفتكروا كان ممكن أغير الغلط لو كان فى ايدى القرارواصرخ وقول لاااااااا لازم يكون فيه اختيار ؟؟؟؟؟؟!!!!!!!!!

ياترى لسه ممكن حلمى يتحقق ولا خلاص ماتت الضماير وبقت الدنيا غابه من غير اسوااااااارر!!!!!!!!!!

دققوا فى اختياراتكم ومتخلوش حد يتحكم فى حياتكم اعملوا اللى انتوا عايزينه بلاش تبقوا صورة بهتانه لغيركم