انا موجوووووده بس من ذاتى مسلوبه !!!!!!!!!!!!

(( الحلم السادس لازم يكون لى رأيى !!!!! ))

حلمت حلم جميل وهفضل احلم بيه أكيد انى أعبر عن رأيى ان يكون ليا وجود ومكان ووسط العالم دا ابقى انسانه اكون قوية الشخصيه من زمان من يوم ما اتعلمت الكلام حاولت أعبر عن رأيى حاولت اصرخ بصوت عالى انا موجوده ووسط الناس مخلوقه انا انسانه ليا وجود ومكانه لكن للاسف محدش سمع صرختى والكل اتهمنى بالتفاهه وانى صغيره مش من حقى انى اكون حاجه !!!!!!!
ليه مش بيآخدوا رأييى ويكلمونى ويعتبرونى حد مهم ويحسسونى بوجودى ؟؟؟؟؟!!!!!!!!!

ليه دايما بيهمشونى وقدام الناس يزعقولى لواتكلمت أو قولت رايي ويحرجونى؟؟؟؟؟؟؟!!!!!!!!

ليه مش اشترى هدومى ليه من ذوقى ورغبتى بيمنعونى ؟؟؟!!

ليه من صغرى مش عارفه اقول رأيى واثبت انى موجوده وسط اهلى ؟؟؟!!!

كتير بيبقى نفسى اختار حاجتى افرح بيها واقول انا اللى شارياها وبذوقى منقياها لكن للأسف محدش ادانى الفرصه دى ودايما بيجبرونى بحجة انى صغيره لاااااا انا مش صغيره انا من بدايه كلامى اقدر اقول انا عايزه ايه المهم تدونى الفرصه علشان اعبر عن كيانى ولما كبرت لاقيت شخصيتى بينهم ضاعت مش عارفه آخد قرار او حتى اى اختيار متردده فى كل حياتى ناقصنى انى ابقى واثقه فى ذاتى فين شخصيتى وفين قدرتى عن انى ادور عن اللى انا عايزاه ؟؟؟؟

وطلعت من القمم وخرجت للدنيا فاقده قدرتى على الحياه مش عارفه اتعامل مع البشر ولا اخد قرار وسطهم ودايما حاسه انى أقل منهم لانى مش قادره آخد قرار والدنيا توهتنى كمان وكمان وبعد ما كبرت لاقتنى لازم اعتمد على اى انسان وفضلت لوحدى نفسى احقق ذاتى وابقى حاجه مش ظل لأهلى اى لحد من معارفى !!!!!!!!!!

وكبرت وكبر معايا حلمى انى أقول رأيى وأعبر عن ذاتى ونفسى انى أبقى واثقه فى أختياراتى وبعيده عن تردداتى علشان احس انى موجوده ومن ذاتى مش مسلوبه تفتكروا هقدر أعبر عن نفسى وألاقى شخصيتى وحلمى ؟؟؟؟!!!

تفتكروا هقدر اختار فى حياتى وأقرر قرراتى وأحقق طموحاتى ؟؟!!!!!!!!!!